“ALKALOİD” KLUBU BİRİNCİ YERƏ YÜKSƏLMİŞDİR
Bakı, 9 oktyabr (AZƏRTAC). Makedoniyanın Oxrid şəhərində keçirilən şahmat üzrə 25-ci klublararası Avropa kuboku yarışlarında 5-ci turun oyunları olmuşdur.
Bu tur çərçivəsində Şəhriyar Məmmədyarovun birinci taxtada mübarizə apardığı “Alkaloid ” klubu Ukraynanın “A DAN DZO” komandası üzərində 4:2 hesabı ilə qələbə qazanaraq, Rusiyanın “Ekonomist ” kollektivi ilə birgə yarışda 1-2-ci yerləri bölüşür. “Alkaloid” əlavə göstəricilərə görə rəqibini qabaqlayaraq, turnur cədvəlinin önündə gedir.
Vüqar Həşimovun təmsil olunduğu İsrailin “Aşdod İllit ” komandası isə həmin ölkənin “Beer Şeva” klubunun şahmatçılarını 3,5:2,5 hesabı ilə məğlub etmişdir. Hazırda “Aşdod İllit” turnir cədvəlinin 7-ci pilləsini tutur.
Əlli dörd şahmat klubunun iştirak etdiyi turnirə oktyabrın 10-da yekun vurulacaqdır.
Bölmənin digər xəbərləri
