Alman və israilli alimlər “BioNTech-Pfizer” vaksinini yüksək dəyərləndiriblər
Berlin, 22 fevral, AZƏRTAC
Yüksək effektlilik dərəcəsinə malik olan “BioNTech-Pfizer” vaksini vətəndaşları infeksiyadan qorumağa qadirdir.
AZƏRTAC xəbər verir ki, alman və israilli birgə alimlər qrupu belə ümidverici qənaətə gəlib. Onların fikrincə, bu preparat koronavirus üzərində qələbə çalmağa ümid verir.
İşçi qrupun üzvləri birmənalı nəticəyə gəliblər ki, vaksinləmədən sonra insan nə özü bu xəstəliyə yoluxa, nə də ətrafdakılar üçün təhlükə yarada bilər.
Beləliklə, onlar əmindirlər ki, vaksinləmə cəmiyyətin kollektiv şəkildə immunitetini təmin edəcək və pandemiyadan əvvəlki həyat tərzinə qayıtmağa imkan verəcək.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
