Almaniya – Qana oyunu heç-heçə yekunlaşmışdır VİDEO
Bakı, 22 iyun (AZƏRTAC). İyunun 21-də Braziliyada futbol üzrə dünya çempionatı çərçivəsində növbəti oyun keçirilmişdir.
AZƏRTAC xəbər verir ki, Fortalezadakı “Kastelao” stadionunda “G” qrupu çərçivəsində Almaniya və Qana yığmaları qarşılaşmışlar.
Braziliyalı baş hakim Sandro Riccinin idarə etdiyi oyun 2:2 hesablı heç-heçə ilə yekunlaşmışdır.
Oyunda Almaniya millisinin heyətində Mario Götze, Miroslav Kloze, rəqib komandadan isə Asamoah Gyan və Andre Ayev fərqlənmişlər.
Hər iki komanda çempionatda ikinci oyununu keçirmişdir. İlk oyunda Almaniya millisi Portuqaliyaya 4:0 hesabı ilə qalib gəlmiş, Qana kollektivi isə ABŞ komandasına 1:2 hesabı ilə məğlub olmuşdur.
Bölmənin digər xəbərləri
