ALMANİYA-AZƏRBAYCAN BİRGƏ SEMİNARI BAŞA ÇATMIŞDIR
Bakıda vərəmlə mübarizə üzrə Almaniya-Azərbaycan birgə seminarı başa çatmışdır. Almaniya Texniki Əməkdaşlıq Cəmiyyətinin dəstəyi və Almaniya Yenidənqurma Bankının maliyyə yardımı ilə vərəmlə mübarizə və ona nəzarət proqramı çərçivəsində keçirilən seminarda səhiyyə naziri Əli İnsanov, Almaniyanın ölkəmizdəki səfiri Klaus Qrevlix, Almaniyanın və Azərbaycanın ftiziatriya sahəsindəki aparıcı mütəxəssisləri iştirak etmişlər.
2001-ci ildən gerçəkləşdirilən proqramdan məqsəd bu təhlükəli xəstəliklə mübarizədə Dünya Səhiyyə Təşkilatının tövsiyə etdiyi tədbirləri dəstəkləmək və həyata keçirməkdir.
Seminarda vərəmli xəstələrin müalicəsi və bu xəstəliyin profilaktikası sahəsində son nailiyyətlər barədə geniş fikir mübadiləsi aparılmışdır. Almaniya həkimləri respublikanın səhiyyə sisteminin diaqnostika və terapiya imkanlarını yaxşılaşdırmaq üçün azərbaycanlı həmkarlarına lazımi yardım göstərəcəklər.
Bölmənin digər xəbərləri
