ALMANİYA İRAQA ƏSGƏR GÖNDƏRMƏYƏCƏK
Kanslerin sözlərinə görə, bu, İraqın güc qurumları üçün rəhbər kadrlar hazırlanmasına cəlb olunan alman təlimatçılarına da aiddir. G.Şröder demişdir: “İraqda təhlükəsizlik sahəsində yaranmış vəziyyət bizi ciddi problemlərlə üzləşdirə bilər. Hər hansı digər mövqe alman cəmiyyəti tərəfindən düzgün başa düşülməz”.
AFR kansleri xatırlatmışdır ki, Balkanlarda 4 min nəfərdən çox alman əsgəri var. “Heç kim gileylənib deyə bilməz ki, Almaniya özünün beynəlxalq öhdəliklərinə kifayət qədər ciddi yanaşmır. Üstəlik, bundesverin bu öhdəliklərlə bağlı əməliyyatlarının xərcini biz özümüz çəkirik”.
