ALMANİYADA “AZƏRBAYCAN İLİ” ÇƏRÇİVƏSİNDƏ NÖVBƏTİ TƏDBİRLƏR KEÇİRİLƏCƏKDİR
AZƏRTAC-ın xüsusi müxbiri xəbər verir ki, Almaniyada “Azərbaycan ili-2008” mədəniyyət proqramı çərçivəsində növbəti tədbirlər keçiriləcəkdir.
Avqustun 14-15-də Berlin və Münxen şəhərlərinin mədəniyyət ocaqlarında bu il “Avropa qardaşlıq birliyidirmi?” devizi altında keçirilən young.euro.connect ədəbi müsabiqəsinin qaliblərindən olan gənc Azərbaycan yazıçısı Nərmin Kamalın əsərlərindən parçalar tanınmış alman aktyorları tərəfindən oxunacaqdır.
Avqustun 15-də isə dirijor Fuad İbrahimovun rəhbərlik etdiyi Azərbaycanın gənc musiqiçilərindən ibarət simfonik orkestri Berlinin nüfuzlu “Konzerthaus” mədəniyyət evində klassik musiqi proqramı ilə çıxış edəcəkdir. Konsertdə Qara Qarayevin, Motsartın, Şubertin və gənc bəstəkar Elmir Mirzəyevin əsərləri ifa ediləcəkdir.
Bölmənin digər xəbərləri
