Almaniyada koronavirusa yoluxma halları yenidən artır
Berlin, 7 avqust, AZƏRTAC
Almaniyada həftəlik yoluxma halları ötən ilin yayı ilə müqayisədə bir neçə həftə ərzində daha sürətlə artır. İndi səhiyyə orqanları infeksiyanın bütün ötürülmə zəncirlərini izləyə bilmirlər. Bu gün səhərə olan vəziyyətə görə, yeddigünlük yoluxma əhalinin hər 100 min nəfərinə 21,2 təşkil edib.
AZƏRTAC Almaniya KİV-inə istinadla xəbər verir ki, bir gün əvvəl bu göstərici 20,4, bir həftə əvvəl isə 16,9-a bərabər olub. Sutka ərzində 3206 yeni yoluxma faktı qeydə alınıb, 24 nəfər isə COVID-19 nəticəsində dünyasını dəyişib.
Beləliklə, pandemiya başlanandan bəri Almaniyada 3.787.639 yoluxma halı, o cümlədən 91.778 ölüm faktı rəsmən təsdiqlənib. İnfeksiyadan 3.664.100 nəfər sağalıb.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
