Almaniyanın “Odlar yurdu” boks klubunun təşəbbüsü ilə bu ölkədə turnir keçiriləcək
Berlin, 3 mart, AZƏRTAC
Almaniyanın Maqdeburq şəhərində fəaliyyət göstərən “Odlar yurdu” adlı boks klubunun təşəbbüsü ilə yaxın günlərdə bu ölkədə növbəti boks turniri keçiriləcək.
AZƏRTAC xəbər verir ki, Almaniya Azərbaycanlılarının Koordinasiya Şurasının əməkdaşı Qurban Ələkbərovun verdiyi məlumata əsasən, “Odlar yurdu” klubu 2013-cü ildə təsis olunub. Maqdeburq şəhərinin “Maritim” hotelində keçirilən boks turniri klubun rəhbəri, peşəkar boks üzrə dünya çempionu Azad Əzizov və klubun meneceri Anar Axundzadənin təşkilatçılığı ilə baş tutacaq. Turnirdə klubun şərəfini ağır çəkili peşəkar boksçu Hüssein Muhammed qoruyacaq.
MDR TV kanalı turnirdən reportajlar yayımlayacaq.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
