Almaniyanın “TIPP Oil” şirkəti Azərbaycanda özünə tərəfdaş tapıb
Berlin, 7 fevral, AZƏRTAC
Almaniyanın “INAR” internet platforması “TIPP Oil” Azərbaycanda yeni ölçü meyarları yaradır” başlıqlı məqaləsində Almaniyanın “TIPP Oil” şirkətinin Azərbaycandakı tərəfdaşı olan “Ibramus” şirkəti ilə əməkdaşlığa başladığı və məhsulların təkrar emalı sahəsində innovasiyaları ölkəmizdə tətbiq edəcəyi barədə məlumat verir.
AZƏRTAC xəbər verir ki, məqalədə bütün dünyada öz məhsullarının keyfiyyəti və etibarlılığı ilə tanınan şirkətin istehsal etdiyi təkrar qablaşdırma və emal sistemlərinin Azərbaycanın ətraf mühitinin mühafizəsinə töhfə verəcəyi bildirilir. Şirkətin nəqliyyat vasitələri üçün motor yağları, aqrar texnika üçün müxtəlif məqsədli sürtkü yağları və sair istehsalı üzrə də ixtisaslaşdığı qeyd olunur.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
