ALMATIDA III AVRASİYA MEDİA FORUMU KEÇİRİLİR
Qazaxıstan Prezidenti Nursultan Nazarbayev forum iştirakçılarını salamlayaraq demişdir: Forumda regional və qlobal problemlərlə bağlı geniş fikir mübadiləsi aparılacaqdır. O, sülhün və təhlükəsizliyin bərqərar olunmasında beynəlxalq təşkilatların və kütləvi informasiya vasitələrinin rolunu xüsusi qeyd etmişdir.
ATƏT-in baş katibi Yan Kubiş, Avrasiya İqtisadi Birliyinin baş katibi Qriqori Rapota forum iştirakçılarını təbrik etmişlər. Media forumun təşkilat komitəsinin sədri Dariqa Nazarbayeva qeyd etmişdir ki, məqsəd Qərb və Şərq ölkələri nümayəndələrinin dialoquna nail olmaq, dünyada baş verən problemlərin həllinə kütləvi informasiya vasitələrini cəlb etməkdir.
Forumun birinci günü seçkilər və bu siyasi aksiyada KİV-in rolu, münaqişələrə cəlb olunmuş ölkələrdə mətbuatın inkişafı, Avropa, Asiya və dünyanın digər regionlarında dövlət, ictimai və özəl kütləvi informasiya vasitələrinin vəziyyəti, senzura və özünüsenzura mövzularında müzakirələr keçirilmişdir.
Forum öz işini davam etdirir.
Bölmənin digər xəbərləri
