AMEA-NIN MƏRKƏZİ NƏBATAT BAĞININ İLLİK FƏALİYYƏTİNƏ YEKUN VURULMUŞDUR
İclası giriş sözü ilə AMEA-nın Biologiya elmləri bölməsinin akademik-katibi, akademik Musa Musayev açmışdır.
AMEA-nın Mərkəzi Nəbatat Bağının direktoru, biologiya elmləri doktoru Oruc İbadlı hesabat məruzəsində rəhbərlik etdiyi müəssisədə bu il “Sənaye əhəmiyyətli nadir və nəsli kəsilməkdə olan bitkilərin biomüxtəlifliyi, introduksiyası və məlumat bankının yaradılması” problemi ilə bağlı, habelə 4 mövzu üzrə geniş tədqiqatlar aparıldığını, 41 məqalənin, 4 tezisin və “Abşeron şəraitində sarmaşan bitkilərin becərilməsi”, “Bitkilərin introduksiyası və iqlimləşdirilməsi“ toplularının 6-cı cildlərinin nəşr edildiyini, mühüm elmi nəticələr qazanıldığını bildirmişdir.
Vurğulanmışdır ki, MNB-nin beynəlxalq əlaqələri də genişlənmiş, 100-dən çox ölkənin nəbatat bağları ilə toxum mübadiləsi aparılmışdır.
İclasda akademiklər Yaqub Hacıyev, AMEA-nın müxbir üzvləri Telman Ağayev, Yaqub Yolçuyev, Məhərrəm Babayev və başqa alimlər çıxış etmiş, müzakirələr aparılmışdır.
Bölmənin digər xəbərləri
