ANGELA MERKEL ALMANİYANIN FEDERAL KANSLERİDİR
AFR hökumətinin ilk qadın başçısı Merkel 1954-cü ildə Hamburqda doğulmuşdur. Üç yaşı olarkən atası Berlin yaxınlığındakı Templin şəhərciyinə “kilsəni möhkəmlətməyə” göndərilmiş və beləliklə, ailə oraya köçmüşdür. 1973-78-ci illərdə Leypsiq Universitetinin fizika fakültəsində oxumuşdur. Ali məktəbi bitirdikdən sonra bir neçə il Almaniya Demokratik Respublikasının Mərkəzi Fiziki Kimya İnstitutunda işləmişdir. 1986-cı ildə namizədlik dissertasiyası müdafiə etmiş, lakin tezliklə fizikanı atıb, siyasətə keçmişdir. 1990-cı ildə Almaniya birləşdikdən sonra XDİ-yə üzv qəbul edilən Merkelin partiya karyerası daim uğurlu olmuşdur. 1991-94-cü illərdə Helmut Kol hökumətində qadın və gənclər işləri naziri, 1994-98-ci illərdə ətraf mühit, təbiəti mühafizə və nüvə reaktorlarının təhlükəsizliyi işləri naziri vəzifələrində çalışmışdır.
Angela Merkel ikinci dəfə ərə getmişdir – 1998-ci ildə Berlindəki Humboldt Universitetinin kimya professoru İoaxim Zauer ilə ailə qurmuşdur. Onun öz uşağı yoxdur.
Gerhard Şröderin təmsil etdiyi Sosial Demokrat Partiyasına yeni kabinetdə 8 nazir yeri verilmişdir. XDİ/XSİ koalisiyası isə 6 nazir yeri ilə kifayətlənmişdir. Parlamentə də xristian demokratların nümayəndəsi sədrlik edəcəkdir.
Keçmiş federal kansler Gerhard Şröder yeni kabinetdə heç bir vəzifə tutmayacağını bildirmişdir.
Bölmənin digər xəbərləri
