ANKARA İSLAHATLAR XƏTTİNDƏN DÖNMƏYƏCƏK

24.09.2004 [15:44]
Çap et
A⁺ A^-

Türkiyənin Baş naziri Rəcəb Tayyib Ərdoğan Brüsseldə əmin etmişdir ki, Avropa normalarına zidd olan ər-arvad xəyanətinə görə cəza haqqında maddə ölkənin yeni cinayət məcəlləsinə düşməyəcəkdir. AZƏRTAC Avronyus agentliyinə istinadla xəbər verir ki, Ərdoğanın Brüsselə səfərindən məqsəd Avropa Komissiyasının və Avropa Parlamentinin üzvlərini Türkiyənin Qərbə yaxınlaşmağa yönəldilmiş islahatlar xəttindən dönməyəcəyinə inandırmaqdır.

Türkiyənin Baş naziri demişdir: “Bizdən nə tələb olunurdusa, hamısını etmişik. Biz gərgin işləyərək, vəzifələrimizi yerinə yetirmişik. Dövləti və cəmiyyəti Kopenhagen meyarlarına uyğunlaşdırmaq üçün hər şeyi etmişik. Ona görə də müsbət cavab almamağımıza heç bir səbəb yoxdur”.

Avropa Birliyinin genişlənməsi üzrə Avropa komissarı Günter Ferhoygen Ərdoğanla görüşdən sonra bildirmişdir ki, Türkiyənin bu təşkilata qəbul olunmasına dair onunla danışıqlara başlanmasına maneə görmür.

Avropa Komissiyasının sədri Romano Prodi Ərdoğanı əmin etmişdir ki, Türkiyə haqqında məruzə ədalətli və qərəzsiz olacaqdır. O demişdir: “Günter Ferhoygen məruzə etdikdən sonra mən onu dərhal Avropa Parlamentinə təqdim edəcəyəm”.

Oktyabrın 6-da Avropa Komissiyası Türkiyənin Avropa Birliyinə qəbuluna dair danışıqlara başlayıb-başlamamaq barədə AB ölkələrinin dövlət və hökumət başçılarına tövsiyə verməlidir.

ANKARA İSLAHATLAR XƏTTİNDƏN DÖNMƏYƏCƏK

MÜƏLLİFLƏ ƏLAQƏ

Bölmənin digər xəbərləri