APELLYASİYA KOMİSSİYALARI AVQUSTUN 3-DƏK FƏALİYYƏT GÖSTƏRƏCƏKDİR
Tələbə Qəbulu üzrə Dövlət Komissiyasından (TQDK) AZƏRTAC-a bildirmişlər ki, 2008-2009-cu tədris ili üçün ali məktəblərə qəbul imtahanları ilə bağlı müraciətlərə baxılması üçün TQDK tərəfindən yaradılmış apellyasiya komissiyaları avqustun 3-dək fəaliyyət göstərəcəkdir.
Apellyasiya komissiyaları bu ünvanlarda fəaliyyət göstərir: I qrup - Bakı Qızlar Universiteti (Nəsimi rayonu, Möhsün Sənani küçəsi, 14), II qrup - “Azərbaycan” Universiteti, 2-ci korpus (Yasamal rayonu, Alatava 2), III qrup - Azərbaycan Dövlət Bədən Tərbiyəsi və İdman Akademiyası (Nərimanov rayonu, F.Xoyski prospekti, 98), IV qrup - Nərimanov rayonu 36 nömrəli orta məktəb (Nərimanov rayonu, akademik Həsən Əliyev küçəsi, 45). Rus bölməsinin abituriyentləri - Tələbə Qəbulu üzrə Dövlət Komissiyasının binası (Nəsimi rayonu, akademik Həsən Əliyev küçəsi, 17).
Abituriyent apellyasiya komissiyasına şəxsən müraciət etməlidir.
Burada onunla birlikdə yalnız valideyni iştirak edə bilər, üçüncü şəxslərin iştirakına icazə verilmir.
Apellyasiyada iştirak etmək üçün şəxsiyyəti təsdiq edən sənəd təqdim olunmalıdır.
Bölmənin digər xəbərləri
