Aprelin 14-də havada tozun miqdarı norma daxilində olacaq
Bakı, 13 aprel, AZƏRTAC
Dünən axşam saatlarından başlayaraq şimal-qərb küləyinin güclənməsi nəticəsində havada dispers toz hissəciklərinin miqdarında artım müşahidə edilib.
AZƏRTAC xəbər verir ki, bunu Milli Hidrometeorologiya Xidmətinin əməkdaşı Gülnarə Abbasova bildirib.
Xidmətin əməkdaşının sözlərinə görə, avtomatik stansiyalardan əldə edilən məlumatlara əsasən, havada toz hissəcikləri gecə saatlarında Bakının Xətai rayonunda normadan 2,6, Nizami rayonunda isə 1,4 dəfə çox olub.
G.Abbasova qeyd edib ki, aprelin 14-də isə şimal-qərb küləklərinin zəif cənub-şərq küləkləri ilə əvəzlənməsi ilə əlaqədar havada dispers toz hissəciklərinin miqdarının norma daxilinə düşəcəyi gözlənilir.
Bölmənin digər xəbərləri
