Aprelin 20-də Azərbaycan ərazisində hava şəraiti haqqında məlumat
Bakıda və Abşeron yarımadasında
buludlu hava şəraiti üstünlük təşkil edəcəkdir. Gün ərzində arabir yağış yağacağı ehtimal olunur.
Temperaturun gecə 5-8° isti, gündüz 8-13°, bəzi yerlərdə 15°-dək isti, Bakıda gecə 5-7° isti, gündüz 10-12° isti olacağı gözlənilir.
Atmosfer təzyiqi 763 mm civə sütunundan 758 mm civə sütununa enəcək, nisbi rütubət 90-95 faiz təşkil edəcəkdir.
Naxçıvan Muxtar Respublikasında
havanın arabir yağıntılı olacağı, axşam dağlıq ərazilərdə sulu qar yağacağı gözlənilir.
Temperaturun gecə 1-6°, bəzi yerlərdə 5°-dək şaxta, gündüz 10-15° isti olacağı gözlənilir.
Yuxarı Qarabağ: Xankəndi, Şuşa, Xocalı,həmçinin Xocavənd, Qubadlı, Zəngilan, Laçın,Kəlbəcər və Daşkəsən-Gədəbəy rayonlarında
havanın arabir yağıntılı olacağı, axşam bəzi yerlərdə sulu qar yağacağı gözlənilir.
Temperaturun gecə 4° şaxtadan 1°-dək isti, gündüz 1-5° isti olacağı gözlənilir.
Qazax, Gəncə, Goranboy,Tərtər, Ağdam, Füzuli və Cəbrayıl rayonlarında
havanın arabir yağıntılı olacağı gözlənilir.
Temperaturun gecə 3-8° isti, gündüz 8-13° isti olacağı gözlənilir.
Balakən, Zaqatala, Qax, Şəki, Oğuz,Qəbələ, İsmayıllı, Ağsu, Şamaxı, Siyəzən, Şabran, Xızı,Quba, Xaçmaz və Qusar rayonlarında
havanın arabir yağıntılı olacağı, axşam yüksək dağlıq ərazilərdə sulu qar yağacağı gözlənilir.
Temperaturun gecə 1-6° isti, gündüz 6-11° isti, yüksək daqlıq ərazilərdə gecə 5-10° şaxta, gündüz 0-5° şaxta olacağı gözlənilir.
Mərkəzi-Aran: Mingəçevir, Yevlax, Göyçay,Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında
gecə duman, çiskin olacaqdır. Səhər saatlarından başlayaraq arabir yağış yağacağı gözlənilir.
Temperaturun gecə 5-9° isti, gündüz 10-15° isti olacağı gözlənilir.
Masallı, Yardımlı, Lerik, Lənkəran və Astara rayonlarında
arabir yağış yağacağı gözlənilir, axşam dağlarda sulu qara keçəcəyi ehtimalı vardır.
Temperaturun gecə 5-9° isti, gündüz 9-14° isti, dağlarda gecə 0-5° isti, gündüz 5-9° isti olacağı gözlənilir.
Aqrometeoroloji məlumat
Respublikanın əksər rayonlarında aprelin 24-dək gözlənilən iqlim normasından aşağı temperatur rejimi və yağıntılı hava şəraiti kənd təsərrüfatı bitkilərində fəal vegetasiyanı zəiflədəcəkdir. Belə hava şəraiti bir çox aran rayonlarında torpaqda kifayət qədər istilik çatışmamazlığı yaratmaqla çiyid və qarğıdalı səpinini gecikdirəcəkdir. Bəzi yerlərdə intensiv yağıntılar, dağətəyi rayonlarda gecə temperaturların mənfi hədlərə enmə ehtimalı meyvə ağacları üçün çiçəklənmə şəraitini çətinləşdirəcəkdir. Lakin yağıntılar torpağın nəmlənmə şəraitini yaxşılaşdıraraq payızlıq dənli əkinlərində, çəmənlik və qışlaqlarda ot örtüyünün gələcəkdə boy atmasına müsbət təsir edə bilər.
Bölmənin digər xəbərləri
