Aqil Babayev: Azərbaycan istehsalı olan malları beynəlxalq bazarlara çıxartmaq zərurətə çevrilib
Bakı, 26 dekabr, AZƏRTAC
Xarici və yerli iş adamlarını, biznes qurumlarını əlaqələndirmək, onlarının görüşlərini təşkil etmək, biznes forumlar keçirərək Azərbaycan istehsalı olan malları təşviq edib beynəlxalq bazarlara çıxartmaq zərurətə çevrilib.
Bu sözləri AZƏRTAC-a açıqlaması zamanı Beynəlxalq İstehsalçılar, İxracatçılar və İdxalatçılar Klubunun direktoru Aqil Babayev deyib.
O bildirib ki, Azərbaycanın beynəlxalq bazarlara çıxa biləcək istehsalı var. Lakin bir sıra dövlətlərin ağır vergi şərtləri və rüsumları ixracı azaldır.
“Buna baxmayaraq iş adamları tələbat yaranan malları tapıb idxal edəcək. Biz vahid elektron ticarət platforması yaratmışıq. Bununla Azərbaycan mallarına ehtiyacı olan həmin platformadan istifadə edib istədiyi məhsulu tapa bilir. Azərbaycan məhsullarını ixrac etdiyimiz ölkələr əsasən MDB ölkələridir. Lakin Türkiyə bazarı daha böyük və beynəlxalq bazarlara inteqrasiya olunub. Buna görə də ölkəmizdə istehsal olunan sənaye mallarının Türkiyəyə ixracını həyata keçirmək lazımdır. Hazırda Qarabağda istehsal olunan malların dost və qardaş ölkə olan Türkiyəyə rüsumsuz ixrac etmək üçün imkan yaranıb. Bu, 30 il işğal altında olan və inkişafdan geridə qalan Qarabağın sosial-iqtisadi inkişafına verilən böyük dəstəkdir”, - deyə Aqil Babayev nəzərə çatdırıb.
Bölmənin digər xəbərləri
