“Araz-Naxçıvan” Rəşad Həsənovla 1 illik müqavilə imzaladı
Bakı, 22 iyun, AZƏRTAC
Transfer çalışmalarını davam etdirən “Araz-Naxçıvan” Rəşad Həsənovla 1 illik müqavilə imzalayıb.
Klubdan AZƏRTAC-a bildirilib ki, mərkəz müdafiəçisi yeni mövsümdə muxtar respublika təmsilçisinin formasını geyinəcək.
“Keşlə”, “Şamaxı” və “Zirə-2” klublarında çıxış edən 23 yaşlı futbolçu son mövsümü Birinci Liqada mübarizə aparan “Cəbrayıl”ın heyətində keçirib. O, müxtəlif illərdə Azərbaycanın U-16, U-17, U-19 və U-21 millilərinə də dəvət alıb.
Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov və Luka Dumançiçlə yeni müqavilə imzalayıb.
Bölmənin digər xəbərləri
