“ARAZ” PROQRAMI NAXÇIVANDA YAYIMLANIR
Naxçıvanlı dinləyicilərin Azərbaycan radiosunun “Araz” proqramının verilişlərini dinləməsində mövcud olan çətinliklər aradan qaldırılır. Muxtar respublika Rabitə Nazirliyinin telekommunikasiya şöbəsinin rəisi Vidadi Naibov AZƏRTAC-ın müxbirinə bildirmişdir ki, “Araz” proqramını hələlik Naxçıvan şəhərində və onun ətrafındakı kəndlərdə dinləmək mümkündür. Cari ilin üçüncü rübündə isə Şərur rayonunun İbadulla və Ordubad rayonunun Dəstə kəndlərindəki ötürücü stansiyalarda yeni qüllələrin ucaldılması və müvafiq avadanlıq quraşdırılması muxtar respublikanın bütün ərazisində “Araz” proqramının yayımlanmasına imkan verəcəkdir. Eyni zamanda, respublika televiziyası verlişlərinin qəbul edilməsinin keyfiyyəti də yaxşılaşacaqdır.
Bölmənin digər xəbərləri
