ARDNŞ-DA TƏLƏBƏLƏRLƏ GÖRÜŞ KEÇİRİLMİŞDİR
R.Abdullayev bildirmişdir ki, Prezident İlham Əliyev ARDNŞ rəhbərliyi qarşısında neft sənayesinin müasir tələblərinə uyğun ixtisaslar üzrə beynəlxalq tələblərə cavab verən mütəxəssislər hazırlanması vəzifəsini qoymuşdur. Ona görə də ARDNŞ-də kadr hazırlığı prosesinə xüsusi diqqət yetirilir və Təqaüd Proqramı uğurla icra olunur. R.Abdullayev vurğulamışdır ki, ARDNŞ bir neçə il ərzində akademiyanın 160 əlaçı tələbəsinə təqaüd vermişdir. ADNA-nın bu il təqaüdə təqdim etdiyi 60 tələbə ötən ay 40 təqaüd üçün müvafiq komissiya tərəfindən müsahibədən keçirilmiş, 33 nəfərə ayda 40 manat təqaüd verilməsi qərara alınmışdır.
ARDNŞ prezidenti təqaüdçülər qarşısında duran vəzifələrdən danışmış, şirkətin bundan sonra da onlara diqqət və qayğı göstərəcəyini vəd etmiş, təqaüdçülərin ümidləri doğruldacaqlarına əmin olduğunu bildirmiş, tələbələrə uğurlar diləmişdir.
ADNA-nın prorektoru Zaur Əhmədov, geoloji kəşfiyyat fakültəsinin tələbəsi Nərminə Hüseynova, kimya-texnologiya fakültəsinin tələbəsi Rüfət Xəlilov və başqaları çıxış edərək, Azərbaycanda neft elminin inkişafına, neftçi kadrların yetişdirilməsinə göstərdiyi diqqət və qayğıya görə Prezident İlham Əliyevə minnətdarlıqlarını bildirmişlər.
Bölmənin digər xəbərləri
