Argentina və Avstraliya yığmaları Pekində yoldaşlıq oyunu oynayacaq
Pekin, 23 may, AZƏRTAC
Futbol üzrə sonuncu dünya çempionu Argentina yığması iyunun 15-də Pekində Avstraliya ilə yoldaşlıq oyunu oynayacaq.
AZƏRTAC xəbər verir ki, Argentinanın Çindəki səfirliyinin açıqlamasına əsasən, üçqat dünya çempionu Pekinə Lionel Messinin liderliyi ilə qatılacaq.
Çin mediası yazır ki, bu, futbol ulduzu Lionel Messinin Çinə 7-ci səfəri olacaq. O, sonuncu dəfə altı il bundan əvvəl Çində olub. Hazırda Fransanın PSJ klubunda çıxış edən L.Messinin Çinə hər səfəri futbolsevərlərin böyük marağına səbəb olur.
O, həm Argentina millisinin, həm də əvvəllər formasını geyindiyi “Barselona”nın heyətində Çində bir neçə dəfə yoldaşlıq oyunu keçirib.
Qeyd edək ki, Argentina və Avstraliya komandaları sonuncu dəfə ötən il Qətərdəki dünya çempionatının 1/16 mərhələsində qarşılaşıb. Həmin oyun Argentinanın 2:1 hesablı qələbəsi ilə başa çatıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
