Arzu Nağıyev: Enerji sektoruna xarici sərmayələrin qoyulması iqtisadiyyatımızın güclənməsinə şərait yaradır
Bakı, 13 fevral, AZƏRTAC
Prezident İlham Əliyevin iştirakı 1280 MVt gücündə yeni İstilik Elektrik Stansiyasının təməlqoyma mərasiminin həyata keçirilməsi ölkəmizin enerji sektorundakı gücünü göstərir.
Bunu AZƏRTAC-a açıqlamasında Milli Məclisin deputatı Arzu Nağıyev bildirib.
Deputat qeyd edib ki, bu addım ölkəmizə investisiya axınını artıracaq. Belə ki, enerji resurslarımız sahəsində Azərbaycana sərmayələr cəlb olunur. Bu da iqtisadiyyatımızın güclənməsinə şərait yaradır. Həmçinin yeni iş yerlərinin də açılmasına səbəb olur.
Deputat əlavə edib ki, sərmayənin genişləndirilməsi həm də elektrik enerji istehsalının artmasına və elektrik enerji təminatının gücləndirilməsinə imkan verəcək.
A.Nağıyev həmçinin əlavə edib ki, elektrik stansiyalarının sayının artması mavi qaza tələbin azalmasına və nəticədə qənaətə gətirib çıxaracaq. Nəticədə ölkəmizin Avropanın enerji təhlükəsizliyinin formalaşmasındakı rolunun artmasına imkan verəcək. O qeyd edib ki, bununla da Azərbaycan dünya bazarlarına qaz ixrac edən ölkə kimi üstünlüklər qazanır.
Bölmənin digər xəbərləri
