ASİYA İNKİŞAF BANKI QAÇQINLARA YARDIM EDƏCƏKDİR
Asiya İnkişaf Bankı (AİB) Mingəçevirdə məskunlaşmış qaçqınların və məcburi köçkünlərin sosial-məişət və mənzil şəraitini yaxşılaşdırmaq üçün sentyabrda 2,5 milyon dollar ayırmaq niyyətindədir. AİB-in Bakı nümayəndəliyindən AZƏRTAC-a bildirmişlər ki, indi bu şəhərdə 20 min qaçqın yaşayır. Onlar məktəblərdə, uşaq bağçalarında və idman bazalarında yerləşdirilmişlər. Ayrılmış vəsait erməni silahlı birləşmələrinin Azərbaycan torpaqlarını işğal etməsi nəticəsində ev-eşiklərindən məhrum olmuş vətəndaşlar üçün yaşayış evlərinin tikilməsinə, məktəblərin, uşaq bağçaları və idman bazalarının əsaslı təmiri üçün istifadə ediləcəkdir.
Bölmənin digər xəbərləri
