ASİYA İNKİŞAF BANKI TACİKİSTANA 30 MİLYON DOLLAR VƏSAİT AYIRMIŞDIR

24.12.2003 [12:28]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Asiya İnkişaf Bankının (AİB) Direktorlar Şurası Tacikistana 30 milyon dollar kredit, habelə 1 milyon dollar qrant ayrılmasını bəyənmişdir. Bankın Tacikistandakı nümayəndəliyindən bildirmişlər ki, bu vəsaitin 15,6 milyon dolları təhsil və səhiyyə sistemindəki islahatlara sərf olunacaqdır.

AİB vəsaitin qalan 15,4 milyon dollarını Düşənbədən Rəşt bölgəsindəki rayonlaradək avtomobil yolunun yenidən qurulması üçün ayırmışdır. Bu yolla birbaşa Qırğızıstanın Alay vadisinə, sonra isə Çin Xalq Respublikasına getmək olar. Düşənbədən Qaşqaradək yolun uzunluğu 750-800 kilometrdir ki, bu da respublikanın paytaxtından başlanıb Pamirdən Çin sərhədinədək uzanan yoldan 250-300 kilometr qısadır.

ASİYA İNKİŞAF BANKI TACİKİSTANA 30 MİLYON DOLLAR VƏSAİT AYIRMIŞDIR

MÜƏLLİFLƏ ƏLAQƏ

Bölmənin digər xəbərləri