ASTARA RAYONUNUN ALAŞA KƏNDİNƏ YENİDƏN TƏBİİ QAZ VERİLMİŞDİR
AZƏRTAC xəbər verir ki, “Azərbaycan Respublikası regionlarının, o cümlədən Lənkəran şəhəri, Astara, Lerik, Masallı və Yardımlı rayonlarının sosial-iqtisadi inkişafının sürətləndirilməsinə dair əlavə tədbirlər haqqında” Prezident İlham Əliyevin 2005-ci il 14 sentyabr tarixli Sərəncamı ilə təsdiq edilmiş Tədbirlər planına müvafiq olaraq mayın 9-da Astara rayonunun Alaşa kəndinə təbii qazın verilişi bərpa edilmişdir.
Bu münasibətlə keçirilən mərasimdə Astara rayon İcra hakimiyyətinin başçısı Mahir Quliyev, ağsaqqalların, ziyalıların və ictimaiyyətin nümayəndələri çıxış edərək, ümummilli liderimiz Heydər Əliyevin anadan olmasının 85 illiyi ərəfəsində kənd əhalisinə hədiyyə edilən bu gözəl töhfəyə və regionların inkişafına göstərdiyi qayğıya görə dövlətimizin başçısına minnətdarlıqlarını bildirmiş, bu ilin payızında keçiriləcək prezident seçkilərində ümummilli liderimizin siyasi kursunun layiqli davamçısı İlham Əliyevə səs verəcəklərini vurğulamışlar.
Bölmənin digər xəbərləri
