ASTARADA BU İLİN DOQQUZ AYININ SOSİAL-İQTİSADİ YEKUNLARI MÜZAKİRƏ OLUNMUŞDUR
Tədbirdə rayon icra hakimiyyəti başçısının müavini Xanverdi Şirinovun idarə, müəssisə və təşkilatlarda 9 ayda görülən işlərin vəziyyəti barədə hesabatı dinlənilmişdir.
Yığıncaqda çıxış edənlər ötən müddətdə rayonda məhsul istehsalının və xidmət sahələrinin artdığını, əhalinin həyat səviyyəsini əks etdirən göstəricilərin xeyli yüksəldiyini bildirmişlər. Rayonda sənaye məhsulu istehsalı 2005-ci ilin müvafiq dövrü ilə müqayisədə 3,3 dəfə, kənd təsərrüfatı məhsullarının istehsalı 16,8 faiz, pullu xidmətlər isə 30,1 faiz artmış, 614 daimi iş yeri açılmış, 4680 nəfər müvəqqəti və mövsümi işlərə cəlb olunmuşdur.
Yığıncaqda yol verilmiş nöqsanlar da ətraflı təhlil edilmiş, mövcud problemləri aradan qaldırmaq yolları təklif olunmuşdur.
İclasda müzakirə olunan məsələ ilə əlaqədar müvafiq qərar qəbul edilmişdir.
