ATATÜRKÜ ANMA GÜNÜNƏ HƏSR OLUNMUŞDUR
Bakıdakı səfirliyi və Azərbaycan Dövlət Mədəniyyət və İncəsənət Universiteti mayın 19-da Respublika sarayında Türkiyə Cümhuriyyətinin banisi Mustafa Kamal Atatürkü anma gününə həsr olunmuş bayram konserti təşkil etmişdir.
Sarayın foyesində Mədəniyyət və İncəsənət Universitetinin rəssamlıq fakültəsində təhsil alan türkiyəli tələbələrin müxtəlif janrlarda işlərindən ibarət sərgi təşkil olunmuşdu.
Rəsmi hissədə Türkiyənin Azərbaycandakı səfiri Əhməd Ünal Çeviköz, respublika təhsil nazirinin müavini Elmar Qasımov çıxış edərək, ölkələrimiz arasında hərtərəfli münasibətlərin inkişafından, böyük Atatürkün türk dünyası qarşısındakı xidmətlərindən danışmışlar.
Sonra universitetin müəllim və tələbələri xalqlarımızın dostluq və qardaşlığına, Atatürk ideyalarının tərənnümünə, yer üzündə sülhün və humanizmin bərqərar olması uğrunda mübarizəyə həsr edilmiş geniş və rəngarəng konsert proqramı ilə çıxış etmişlər.
Bölmənin digər xəbərləri
