ATƏT: AVROPA ATƏŞKƏSƏ ÇAĞIRIR VƏ ZORAKILIĞI, MÜHARİBƏNİ VƏ BOMBARDMANLARI PİSLƏYİR
AZƏRTAC-ın xüsusi müxbiri xəbər verir ki, Moskvada RF XİN-in başçısı Sergey Lavrov və ATƏT-in hazırkı sədri, Finlandiyanın xarici işlər naziri Aleksandr Stubb arasında Cənubi Osetiyadakı vəziyyətlə bağlı məsləhətləşmələr keçirilmişdir.
“Vesti” telekanalı ilə yayımlanan danışıqlarda A.Stubb bildirmişdir ki, Avropa zorakılığı, müharibəni və bombardmanları pisləmişdir. O demişdir ki, biz heç kimə bəraət qazandırmırıq, biz zorakılığın bütün formalarını, müharibəni və bombardmanları pisləyirik. Biz yalnız atəşin kəsilməsini istəyirik, sonra biz təhlil apara bilərək və birgə səylərlə qərar çıxarmalıyıq. Finlandiya XİN-in başçısı hamını birgə səylərlə qərara gəlməyə, danışıqlar masası arxasına əyləşməyə çağırmışdır.
S.Lavrov isə bildirmişdir ki, Rusiya BMT və ATƏT diplomatiyasının sülhə nail olmağa şərait yaradacağına ümid bəsləyir. Diplomat demişdir: “Bizim təklifimiz Gürcüstan qoşunlarının Cənubi Osetiyada və bu əraziyə daxil ola biləcəkləri yerdə olmaması barədə qətnamə imzalamaqdır. İkincisi, güc tətbiq etməmək barədə hüquqi sənəd imzalanmalıdır”.
Bölmənin digər xəbərləri
