ATƏT-İN GÜRCÜSTANDAKI HƏRBİ MÜŞAHİDƏÇİLƏRİNİN SAYI ARTIRILACAQDIR
AZƏRTAC-ın xüsusi müxbiri xəbər verir ki, ATƏT-in Daimi Şurasının avqustun 14-də Vyanada keçirilmiş iclasında ATƏT-in Gürcüstandakı hərbi müşahidəçilərinin sayının artırılması haqda qərar qəbul edilmişdir. Bu barədə məlumatı ATƏT-in hazırkı sədrinin xüsusi elçisi Heyki Talvitiye keçirdiyi mətbuat konfransında söyləmişdir.
Cənubi Osetiya münaqişəsi ilə əlaqədar regionda vəziyyətin hələ də gərgin olduğunu qeyd edən xüsusi elçi Gürcüstandakı hərbi müşahidəçilərin sayının 100 nəfərə çatdırılmasının vacibliyini və təşkilata üzv olan 56 ölkənin nümayəndələri tərəfindən bu barədə təklifin yekdilliklə qəbul olunduğunu bildirmişdir.
Müşahidəçilərin göndərilmə vaxtı və mandatı yaxın müddətdə müəyyənləşdiriləcəkdir.
Bölmənin digər xəbərləri
