AVİASİYA İŞÇİLƏRİ HƏMKARLAR İTTİFAQI RESPUBLİKA KOMİTƏSİNİN XXIII KONFRANSI OLMUŞDUR
AİHİRK-dən AZƏRTAC-a verilən məlumata görə, konfransda Belarus və Ukraynanın aviasiya işçiləri həmkarlar təşkilatlarının rəhbərləri, Beynəlxalq Aviasiya İşçiləri Həmkarlar İttifaqı Birliyinin (BAİHİB) sədri Aleksandr Qridinin başçılığı altında geniştərkibli nümayəndə heyəti iştirak etmişlər.
AİHİRK-in sədri Bəkir Yusifovun məruzəsində əməyin təhlükəsizliyi, iş yerlərinin beynəlxalq standartlara uyğunlaşdırılması, işçilərin istirahətinin və asudə vaxtlarının səmərəli təşkili istiqamətində əldə olunan uğurlardan, perspektiv planlardan danışılmışdır.
Məruzə ətrafında çıxışlar başa çatandan sonra həmkarlar ittifaqının bir qrup fəalı BAİHİB-in və AİHİRK-in fəxri fərman və diplomları ilə təltif edilmişdir.
Komitənin fəaliyyəti kafi qiymətləndirilmiş, B.Yusifov yenidən komitə sədri seçilmiş, digər təşkilati məsələlərə baxılmışdır.
