AVQUSTDA “NƏ? HARADA? NƏ VAXT?” İNTELLEKTUAL OYUNU ÜZRƏ İKİNCİ MİLLƏT KUBOKU YARIŞLARI KEÇİRİLƏCƏK
Avqustda Bakıda “Nə? Harada? Nə vaxt?” intellektual oyunu üzrə İkinci millət kuboku yarışları keçiriləcəkdir. Gənclər və İdman Nazirliyinin mətbuat xidmətindən AZƏRTAC-ın müxbirinə bildirmişlər ki, tədbirin təşkilatçıları nazirlik, Milli Olimpiya Komitəsi, Gənclər Təşkilatlarının Milli Şurası və “Nə? Harada? Nə vaxt?” oyununun Beynəlxalq Klublar Assosiasiyasıdır (BKA). BKA-nın vitse-prezidenti Andrey Kozlov bəzi təşkilati məsələləri həll etmək üçün yaxın vaxtlarda Azərbaycana gələcəkdir.
Xatırladaq ki, ötən il Bakıda planetimizin ən intellektual komandası adı uğrunda 16 ölkənin yığmaları mübarizə aparmışdır.
