AVROPA HAVA LİMANLARINDA YENİ TƏHLÜKƏSİZLİK QAYDALARI TƏTBİQ OLUNUR
Bu, təkcə su və ya içkilərə deyil, həm də maye sabun, krem, losyon, ətir, üz qırxmaq üçün köpük, diş məcunu, sprey və gellərə də aiddir. Dərmanlar və uşaq qidaları, habelə hava limanının ərazisində rüsumsuz mağazalardan alınan maye məhsulları istisna olunur. Bu məhsullar da həcmi 1 litrdən az olan bütün maye qablaşmaları kimi şəffaf plastik paketlərə qoyulmalı və xüsusi lentlə bağlanmalıdır. Lenti yalnız mənzil başına çatdıqdan sonra açmaq olar.
İndi sərnişinlərin özləri də daha ciddi yoxlanılacaqlar. Sərnişinlər üst geyimi çıxarmalı, habelə noutbuk və digər elektron qurğuları yoxlanılmaq üçün təqdim etməlidirlər.
Avropa Komissiyasında bildirilir ki, sadalanan qaydalar Avropa İttifaqının bütün üzvləri tərəfindən mütləq yerinə yetirilməlidir. İttifaqın hər bir ölkəsi, lazım gələrsə, bu qaydaları daha da sərtləşdirə bilər.
Avropa İttifaqı hava limanlarında təhlükəsizlik qaydalarını Britaniya xüsusi xidmət orqanları maye partlayıcı vasitəsilə bir neçə təyyarəni partlatmağa cəhd göstərən terrorçuların sui-qəsdinin üstünü açdıqdan sonra dəyişməyi qərara almışlar.
