AVROPA İTTİFAQI İRANA QARŞI TƏDBİRLƏRİN SİYAHISINI TUTMUŞDUR
Aİ-nin üzvü olan ölkələrin xarici işlər nazirlərinin sorğusu ilə Avropa İttifaqının xarici siyasət və təhlükəsizlik siyasəti məsələləri üzrə ali komissarı Xavyer Solananın dəftərxanasında tutulmuş siyahıda İranla ticarət edən şirkətlər üçün kredit məhdudiyyətləri qoymaq, İranın nüvə proqramı ilə hər hansı əlaqəsi olan ölkənin rəsmi şəxslərinə viza verilməsini qadağan etmək, İranla silah ticarətinə qadağa qoymaq və İranla danışıqlar aparılmasından qəti şəkildə imtina etmək nəzərdə tutulur.
Bundan başqa, siyahıya əsasən, ikili təyinatlı texnologiyalar üzərində nəzarət sərtləşdiriləcəkdir. Məsələn, Avropa universitetlərində təhsil alan iranlı tələbələrə istər dinc, istərsə də hərbi məqsədlərlə istifadə olunan texnologiyalar haqqında mühazirələrə getmək qadağa edilə bilər.
Xatırladaq ki, bu yaxınlarda ABŞ bildirmişdir ki, BMT Təhlükəsizlik Şurasının qərarından asılı olmayaraq, İrana qarşı qadağalar tətbiq etməyə hazır olan ölkələrin “Antiiran koalisiyasını” yaratmaq niyyətindədir.
Bölmənin digər xəbərləri
