Avropa Komissiyasının başçısı Ursula Fon der Lyayen Kiyevə gəlib
Kiyev, 4 noyabr, AZƏRTAC
Avropa Komissiyasının (AK) başçısı Ursula Fon der Lyayen Kiyevə gəlib. O, Ukrayna Prezidenti Volodimir Zelenski ilə görüşəcək.
Bu barədə AZƏRTAC xalq deputatı Yaroslav Jeleznyakın “Telegram” kanalına istinadla xəbər verir.
Səfər Ukraynanın Avropaya inteqrasiya edilməsi yolunda uğuru haqqında AK hesabatının dərc edilməsi ərəfəsində (8 noyabr) həyata keçirilir. Gözlənilir ki, həmin hesabatda Avropa Komissiyası ölkənin Aİ-yə daxil olması barədə danışıqlara başlamağı tövsiyə edəcək.
Jeleznyakın qeyd etdiyi kimi, Ursula Fon der Lyayenin Ukrayna parlamenti qarşısında çıxış edəcəyi də gözlənilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
