Avropa Komissiyasının yeni tərkibi açıqlanıb
Bakı, 17 sentyabr, AZƏRTAC
Avropa Komissiyasının növbəti beş il üçün yeni tərkibi açıqlanıb. Bütün təyinatların Avropa Parlamenti tərəfindən təsdiqlənəcəyi təqdirdə yeni tərkib noyabrın 1-dən fəaliyyətə başlayacaq.
AZƏRTAC xəbər verir ki, Avropa Komissiyasının yeni heyətinin tərkibini qurumun sədri Ursula fon der Lyayen təqdim edib.
Avropa Komissiyasında yeni vəzifələr, o cümlədən müdafiə və kosmos üzrə komissar, həmçinin Avropa İttifaqının genişlənməsi və Ukraynanın yenidən qurulması üzrə komissar təyin olunub.
Həmçinin bildirilib ki, Avropa Komissiyasının yeni tərkibinin 40 faizini qadınlar təşkil edəcək. Onlar daha çox vitse-prezident postlarında çalışacaqlar. Sədrin müavinləri postunu isə dörd qadın və iki kişi tutacaq.
Bölmənin digər xəbərləri
