Avropa sahillərinə daha bir şiddətli qasırğa yaxınlaşır
Bakı, 4 noyabr, AZƏRTAC
Fransada tüğyan edən “Kiaran” qasırğası noyabrın 4-də Atlantik okeanından Fransanın qərbinə doğru irəliləyən “Dominqos” qasırğası ilə əvəzlənəcək. Yeni qasırğa güclü külək və leysan yağışları ilə müşayiət olunacaq.
AZƏRTAC xəbər verir ki, Meteo-France” yeni qasırğasının yaxınlaşması səbəbindən axşam saatlarından etibarən ölkənin on departamentində “narıncı” təhlükə səviyyəsi elan edəcək.
Meteoroloqlar, həmçinin Şimali Amerikada formalaşan aşağı təzyiq zonalarının şənbə günü Fransanın qərbində şiddətli küləyə və güclü yağışa səbəb olacağını bildirirlər. Fransa ilə yanaşı, İspaniya və Portuqaliyanın şimalı da günortadan sonra güclü külək və intensiv yağıntı ilə üzləşəcək.
Qeyd edək ki, noyabrın 2-də Qərbi Avropanı vuran “Kiaran” qasırğası 13 nəfərin ölümü ilə nəticələnib. Qasırğa qitəyə güclü külək və çoxlu yağıntı gətirib. Bəzi yerlərdə küləyin sürəti saatda 200 kilometrə çatıb. Nəticədə yaşayış binalarına ciddi zərər dəyib, nəqliyyatın hərəkəti pozulub, ağacların aşması nəticəsində yollar bağlanıb.
Bölmənin digər xəbərləri
