Bakı, 7 noyabr (AZƏRTAC). 2015-ci ildə ilk dəfə Bakıda keçiriləcək birinci Avropa Oyunlarına hazırlıq işləri ilə tanış olmaq üçün Avropa Voleybol Konfederasiyasının (CEV) rəsmiləri Azərbaycana gəlmişlər.

Azərbaycan Voleybol Federasiyasından AZƏRTAC-a bildirmişlər ki, CEV-in prezidenti Andre Mayer, birinci vitse-prezident Yan Xronek və vitse-prezidentlər Aleksandr Boriçiç və Renato Arena iki gün ərzində ölkəmizdə olacaqlar.

Avropa Oyunları çərçivəsində yarışların keçiriləcəyi - “Bakı Сrystall Zal” və çimərlik voleybolu üzrə meydançaya baxış keçiriləcəkdir. Həmçinin, nümayəndə heyətinin Azərbaycan Voleybol Federasiyasının prezidenti Ziya Məmmədov və gənclər və idman naziri Azad Rəhimov ilə görüşü nəzərdə tutulmuşdur.