Avropa Yenidənqurma və İnkişaf Bankı ilə biznesin inkişafının dəstəklənməsi məsələləri müzakirə edilib
Bakı, 10 iyun, AZƏRTAC
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Avropa Yenidənqurma və İnkişaf Bankının (AYİB) ölkə nümayəndəliyinin rəhbəri Kamola Mahmudova ilə görüşüb.
KOBİA-dan AZƏRTAC-a bildirilib ki, görüşdə agentlik və AYİB arasında texniki yardım layihəsi çərçivəsində uğurlu əməkdaşlıq qeyd olunub və bu əməkdaşlığın genişləndirilməsinə maraq ifadə edilib.
Görüşdə rəqəmsal və “yaşıl” iqtisadiyyat, dövlət-özəl sektor tərəfdaşlığı sahələrində təşəbbüslərin dəstəklənməsi, KOB-ların maliyyələşdirilməsi imkanlarının genişləndirilməsi, AYİB-nin müxtəlif proqram və layihələrində iştirak məsələlərinə dair fikir mübadiləsi aparılıb.
Bölmənin digər xəbərləri
