AVROPANIN 15 ÖLKƏSİNDƏN AZƏRBAYCANA GƏLƏN GƏNCLƏR “İRƏLİ” İCTİMAİ BİRLİYİNİN FƏALLARI İLƏ GÖRÜŞMÜŞLƏR
Bakı, 22 oktyabr (AZƏRTAC). Avropa Şurasının dəstəyi, Gənclər və İdman Nazirliyi “Salto Youth Resurs Mərkəzi”nin təşkilatçılığı ilə həyata keçirilən “Azərbaycanda gənclər işinin reallığı” mövzusunda layihənin iştirakçıları “İRƏLİ” İctimai Birliyində (İB) olmuşlar.
İB-dən bildirmişlər ki, Avropa birliyinə üzv 15 ölkənin o cümlədən, Fransa, Portuqaliya, Avstriya, Belçika, Polşa və Türkiyənin “Gənclər fəaliyyətdə” proqramı üzrə milli agentliklərinin rəsmi nümayəndələri, eyni zamanda, Avropanın ən fəal gənclər təşkilatlarının nümayəndələri “İRƏLİ”nin fəalları ilə görüşmüş, birgə həyata keçiriləcək müxtəlif layihələr və tədbirlərə dair fikir mübadiləsi aparmışlar.
Görüşdə “İRƏLİ” İctimai Birliyi ilə “Salto Youth Resurs Mərkəzi” arasında davamlı əməkdaşlığın təməlinin qoyulması barədə razılıq əldə olunmuşdur.
Bölmənin digər xəbərləri
