Avstriya hökuməti fərdi gəlir vergisinin dərəcəsini azaldacaq
Bakı, 7 iyul, AZƏRTAC
Avstriyanın Maliyyə naziri Hernot Blümel bildirib ki, COVID-19 pandemiyasından sonra iqtisadiyyatın stimullaşdırılması paketinin tərkib hissəsi olaraq gəlir vergisinin dərəcəsinin aşağı salınması nəzərdə tutulur.
AZƏRTAC xarici saytlara istinadla xəbər verir ki, nazirin sözlərinə görə, gəlir vergisinin minimal dərəcəsinin 25 faizdən 20 faizə endirilməsi təklif olunub. H.Blümel açıqlamasında vergi islahatı ilə bağlı paketdə şirkətlərə birinci il kapital qoyuluşlarının həcmini 30 faiz amortizasiya etməyə imkan yaradan təklifin də olduğunu diqqətə çatdırıb. Qeyd edib ki, bu dəyişikliyin 2020-ci ilin sentyabr ayında qüvvəyə minməsi gözlənilir.
Bundan əlavə, təklif edilən dəyişikliklər çərçivəsində vergiödəyiciləri əvvəlki illərdə əldə etdikləri gəlirlərini kompensasiya edə bilmək üçün xərclərini əvəzləşdirəcəklər.
Bölmənin digər xəbərləri
