Avstriyalılar sürücülük vəsiqəsindən ötrü Macarıstanın sərhəd şəhərlərinə gedirlər
Budapeşt, 11 yanvar, AZƏRTAC
Son bir neçə il ərzində Avstriya vətəndaşları daha ucuz sürücülük vəsiqələri almaqdan ötrü Macarıstanın sərhədboyu şəhərlərinə üz tutmağa başlayıblar.
AZƏRTAC Macarıstanın “Blikk” nəşrinə istinadla xəbər verir ki, ölkə hökuməti bu axının öhdəsindən gəlmək üçün Şopron şəhərinin sürücülük məktəblərini yenidən təchiz etmək barədə qərar qəbul edib. Bundan başqa, artıq indi həmin məktəblərdə alman dilində danışan xeyli təlimatçı fəaliyyət göstərir.
Hazırda qüvvədə olan Avstriya qanunvericiliyinə görə, Avropa İttifaqı ölkələrinin hər hansı birində alınan sürücülük vəsiqəsindən maksimum 5 il ərzində bütün Aİ məkanında istifadə etmək mümkündür. Sonra bu sənəd yerli sənədlərlə əvəz edilməlidir.
Avstriyada hazırda “B” kateqoriyasının lisenziyası təqribən 1950 avrodur ki, bu da macar qiymətləri ilə 375 min forinti (994 avro) iki dəfə üstələyir.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
