Avtomobilin yük yerində gizlədilən siqaretlər aşkarlanıb
Bakı, 2 fevral, AZƏRTAC
Avtomobilin yük yerində gizlədilən siqaretlər aşkarlanıb.
Dövlət Gömrük Komitəsinin mətbuat və ictimaiyyətlə əlaqələr idarəsindən AZƏRTAC-a bildirilib ki, Qərb Ərazi Baş Gömrük İdarəsinin “Qırmızı Körpü” gömrük postunda Gürcüstandan idarə etdiyi “QAZ-3110” markalı nəqliyyat vasitəsilə gələn Azərbaycan vətəndaşı ilə şifahi sorğu-sual aparılıb. Sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Lakin gömrük yoxlamasında avtomobilin yük yerində döşəmənin altında 3000 ədəd “LD Club” markalı siqaret aşkarlanıb.
Faktla bağlı araşdırma aparılır.
Bölmənin digər xəbərləri
