AZEL ŞİRKƏTİ TİCARƏT ŞƏBƏKƏSİNƏ LAZER MONİTORLARI ÇIXARACAQDIR
AZEL (Azərbaycan elektronikası) şirkəti 17 düyümlü diaqonalı olan iki monitor modelini alıcılara təklif etməyi nəzərdə tutmuşdur. Şirkətdən AZƏRTAC-a bildirmişlər ki, hamar ekrana malik LAZER İVORY və LAZER SİLVER müasir monitorlar hesab edilir. Onlar bir çox funksiyaları yerinə yetirməklə yanaşı, həm də iş yerinin rahatlığı və ətraf mühitin mühafizəsi baxımından müasir tələblərə cavab verir.
LAZER monitorları həm də etibarlılığı və nisbətən ucuz olması ilə seçilir. Ticarət şəbəkəsinə ayda 300-400 bu cür monitor təklif olunacaqdır. Beləliklə, respublikamızda kompüter bazarının artan tələbatını ödəmək imkanı yaranacaqdır.
Bölmənin digər xəbərləri
