AZƏRBAYCAN ABŞ-DA KEÇİRİLƏCƏK DÜNYA GƏNCLƏRİNİN İLK MƏDƏNİYYƏT KONQRESİNDƏ İŞTİRAK EDƏCƏKDİR
AZƏRTAC xəbər verir ki, avqustun 5-dən 12-dək ABŞ-ın Yuta ştatında dünya gənclərinin ilk mədəniyyət konqresi keçiriləcəkdir.
Tədbirdə Azərbaycanı Milli Kulinariya Məktəbinin rəhbəri T.Əmiraslanovun başçılığı ilə 6 nəfərlik nümayəndə heyəti təmsil edəcəkdir. Nümayəndə heyətinə Rəssamlıq Akademiyasının 3 tələbəsi, 2 kulinar və 1 memar daxildir.
Tahir Əmiraslanov məlumat vermişdir ki, tədbirin bir günü yalnız Azərbaycan mədəniyyətinə həsr ediləcəkdir. Həmin gün Azərbaycanın milli mətbəxi, musiqisi, memarlığı, ölkənin bütün bölgələrinin, həmçinin Borçalının, Qarabağ və İrəvan xanlıqlarının milli geyimləri nümayiş olunacaqdır.
Azərbaycan nümayəndə heyəti avqustun 3-də yola düşəcəkdir.
Bölmənin digər xəbərləri
