AZƏRBAYCAN ALİMİ ABŞ-IN İNFORMASİYA TEXNOLOGİYALARI SAHƏSİNİN TƏCRÜBƏSİNİ ÖYRƏNİR

11.11.2006 [15:35]
Çap et
A⁺ A^-

AZƏRTAC-ın xüsusi müxbiri xəbər verir ki, Azərbaycan Milli Elmlər Akademiyası Fizika İnstitutunun Bionanostrukturların fizikası laboratoriyasının rəhbəri professor Sevda Abdullayeva ABŞ-a ikihəftəlik səfər edərək, informasiya texnologiyaları sahəsində aparıcı şirkətlərdə və qeyri-hökumət təşkilatlarında görüşlər keçirmişdir. Rabitə və informasiya texnologiyaları naziri Əli Abbasovun ABŞ-a səfəri zamanı ölkəmizin elmi potensialının gücləndirilməsi üçün Azərbaycan alimlərinin ABŞ-ın təcrübəsini öyrənməsi, Azərbaycanda müvafiq təlim proqramlarının keçirilməsi barədə razılıq əldə edilmişdi.

Sevda Abdullayeva Kaliforniyada informasiya texnologiyaları üzrə dünya şöhrətli CİSCO şirkətinin nümayəndələri, nüfuzlu universitetlərin professorları ilə söhbətlər aparmışdır.

Amerikadakı görüşlərini AZƏRTAC-ın müxbirinə şərh edən Sevda xanım demişdir ki, informasiya texnologiyaları sahəsində böyük nailiyyətlər əldə edən ölkə kimi ABŞ-ın təcrübəsi elmi potensialımızın artırılması üçün çox vacibdir. Ən maraqlı görüşlərimdən biri Berkli Universitetinin dünya şöhrətli professoru, həmyerlimiz Lütvi Zadə ilə oldu. O, Azərbaycanda fizika elminin inkişafı perspektivlərinə dair dəyərli məsləhətləri ilə bölüşdü.

AZƏRBAYCAN ALİMİ ABŞ-IN İNFORMASİYA TEXNOLOGİYALARI SAHƏSİNİN TƏCRÜBƏSİNİ ÖYRƏNİR

MÜƏLLİFLƏ ƏLAQƏ

Bölmənin digər xəbərləri