AZƏRBAYCAN CÜDOÇULARININ DÜNYA KUBOKU YARIŞLARINDA UĞURLARI DAVAM EDİR
Bakı, 12 oktyabr (AZƏRTAC). Oktyabrın 11-də Bakı İdman Sarayında kişi cüdoçular arasında Dünya kuboku uğrunda turnir davam etmişdir.
Mübarizədə Azərbaycan idmançıları ilə yanaşı, Polşa, Rusiya, Fransa, Gürcüstan, İsrail, Portuqaliya, Türkiyə, Yunanıstan, Yaponiya, Norveç, Özbəkistan, Ukrayna və Belarusdan 7 çəki dərəcəsi üzrə 100-dək idmançı iştirak edir.
Turnirin ikinci günü tatami üzərində 81, 90, 100 və 100 kiloqramdan çox çəki dərəcələrində cüdoçular mübarizə aparmışlar. 81 kiloqram çəki dərəcəsində Azərbaycan idmançısı Elxan Rəcəbov dörddəbir finalda rusiyalı Arsen Pşmakovu məğlub edərək yarımfinala vəsiqə əldə etmişdir. Yarımfinalda həmyerlimizin rəqibi Gürcüstan təmsilçisi Kviça Kutsişvili olacaqdır. 100 kq çəki dərəcəsində çıxış edən digər cüdoçumuz Samir Əhmədov isə yarımfinalda rusiyalı Sergey Samoyloviç ilə qarşılaşacaqdır.
Bölmənin digər xəbərləri
