AZƏRBAYCAN CÜDOÇUSU MİNSKDƏ 7-Cİ YERİ TUTMUŞDUR
Bakı, 12 oktyabr (AZƏRTAC). Azərbaycan cüdoçusu Ramilə Yusubova (63 kq) Minskdə keçirilmiş Dünya Kuboku yarışlarında medal ala bilməmişdir. Qadın cüdoçumuz bürünc medala yaxın olmuşdur. Lakin ilk təsəlliverici qarşılaşmada Fransa idmançısı Sindi Madelriksə uduzaraq 7-ci yerlə kifayətlənmişdir.
Ramilə Yusubova turnirə uğurla başlamış, fransız Rizlen Juak üzərində təmiz qələbə qazanmışdır. O, növbəti mərhələdə Ukrayna idmançısı İrina Qusevanı məğlub etmişdir. Dörddəbir final qarşılaşmasında isə rusiyalı Alina Puxova ilə yarışda uğursuzluğa düçar olsa da təsəlliverici görüş şansı əldə etmişdir. İlk təsəlliverici görüşdə Sindi Madelriksə ippon fəndi ilə uduzan Ramilə Yusubova mükafatsız qalmışdır.
Bölmənin digər xəbərləri
