Azərbaycan Dövlət Aqrar Universitetində türk dünyası universitetlərinin əlaqə mərkəzi fəaliyyətə başlamışdır
Gəncə, 18 noyabr (AZƏRTAC). Azərbaycan Dövlət Aqrar Universitetində türk dünyası universitetlərinin əlaqə mərkəzinin açılışı olmuşdur.
AZƏRTAC xəbər verir ki, Türkiyənin Gəncədəki baş konsulu Haluk Ağcanın da iştirak etdiyi açılış mərasimində universitetin rektoru İbrahim Cəfərov mərkəzin məqsəd və vəzifələrindən danışaraq qeyd etmişdir ki, bu qurum üçün ayrılmış iki böyük otaqda 500-dən çox kitab, jurnal və sənədlər toplanmış, türk dünyası və universitetləri haqqında videoçarxın nümayişi üçün lazımi lazımi şərait yaradılmışdır.
Türkiyənin Gəncədəki baş konsulu Haluk Ağca belə bir mərkəzin yaradılmasında əməyi olanlara minnətdarlığını bildirmiş, Gəncədəki ali təhsil müəssisələri ilə Türkiyənin ali məktəbləri arasında yeni əməkdaşlıq əlaqələrinin qurulacağına əminlik ifadə etmiş və mərkəzə 250 kitab bağışlamışdır.
Sonra iştirakçılar mərkəzdə yaradılan şəraitlə tanış olmuşlar.
Bölmənin digər xəbərləri
