AZƏRBAYCAN DÖYÜŞÇÜLƏRİ DÜNYA BİRİNCİLİYİNDƏ İKİ MEDAL QAZANMIŞLAR
Bakı, 22 oktyabr (AZƏRTAC). Rusiyanın Medin şəhərində keçirilən universal döyüş üzrə 18-20 yaşlı idmançılar arasında dünya birinciliyi başa çatmışdır. 43 ölkənin iştirak etdiyi yarışda Azərbaycanın şərəfini 8 idmançı qorumuşdur.
Döyüşçülərimizdən Elbrus Baxışov (70 kq) layt və klassik versiya üzrə keçirilən yarışda gümüş medal qazanmışdır. Orxan Abdullayev (85 kq) isə eyni versiyalar üzrə keçirilən mübarizədə bürünc medal əldə etmişdir. Ümumi hesabda Azərbaycan yığması üçüncü pilləyə layiq görülmüşdür. Rusiya birinci, Ukrayna komandası isə ikinci yerdə qərarlaşmışdır.
Qeyd edək ki, qarşıda idmançılarımızı kişi və qadınlar arasında keçiriləcək dünya çempionatı gözləyir. Dekabrın 1-dən 5-dək Çexiyanın paytaxtı Praqada təşkil olunacaq çempionatda ölkəmiz tam heyətlə (9 kişi, 7 qadın) təmsil olunacaqdır. Dünya çempionatında 50-ə yaxın ölkənin iştirakı gözlənilir.
Bölmənin digər xəbərləri
