Azərbaycan gimnastları “AGF Trophy” beynəlxalq turnirində növbəti medallarını qazanıblar
Bakı, 16 may, AZƏRTAC
Azərbaycanın idman gimnastları Bakıda keçirilən “AGF Trophy” beynəlxalq turnirində növbəti medallarını qazanıblar.
AZƏRTAC xəbər verir ki, Milli Gimnastika Arenasında təşkil olunan yarışın sonuncu günündə Dəniz Əliyeva (dayaqlı tullanma), Rəsul Əhmədzadə (gimnastika atı), Nikita Simanov (halqalar) bütün rəqiblərini qabaqlayaraq fəxri kürsünün ən yüksək pilləsinə qalxıblar.
Dəniz Əliyeva gümüş (müxtəlif hündürlüklü qollar), Xədicə Abbaszadə (dayaqlı tullanma), İlham Salayev (sərbəst hərəkətlər) və Leyla Məmmədzadə (müxtəlif hündürlüklü qollar) bürünc mükafata sahib çıxıblar.
Qeyd edək ki, 5 ölkədən 50-yə yaxın gimnastın mübarizə apardığı turnirə bu gün yekun vurulacaq.
Müxbir - Cavid Əliyev
Fotoqraf - İlqar Cəfərov
Bölmənin digər xəbərləri
